Ngimmato iti gross international reserves (GIR) ti Pilipinas iti $104.81 billion idi Agosto, manipud iti $103.32 billion idi Hulyo.
Segun iti preliminary data ti Bangko Sentral ng Pilipinas (BSP), kangrunaan a nangiduron ti panagngato iti valuation gains iti gold holdings ti bansa gapu iti panagngato ti sangalubongan a presio ti balitok, kasta met iti napastarekan manipud kadagiti investments ti BSP iti sabali a pagilian.
Ngimmato ti 9.3 percent iti gatad ti gold reserves iti $19.11 bilyon, manipud iti $17.49 billion idi Hulyo, ken nangatngato ti 31.6 percent maiyarig idi Agosto, napalabas a tawen.
Apagapaman met a naksayan iti epekto daytoy ti panagusar ti gobierno iti foreign currency deposits iti BSP para iti panagbayad ti external debt.###
