Impaganetget ni Iranian President Masoud Pezeshkian a saan a sumuko ti Iran iti pressure ti Estados Unidos ken Israel, kagiddan iti agtultuloy a tension idiay Middle East.
Iti statement-na, kenuna ni Pezeshkian a saan a mapilit iti Iran a sumuko babaen ti pangta wenno pammutbuteng.
Inakusaranna pay ti Estados Unidos a mangraraut kadagiti sibilian, ospital ken kritikal nga imprastruktura, ken kinarit iti Washington a sanguen laeng iti puersa militarda.
Tinakderan ti presidente ti Iran nga agtalinaed a natibker iti Iran ken idepensada ti pagilian kontra iti aniaman nga agresion.###
