Nagpakdaar dagiti medical experts a saan a rumbeng a tagiawanen iti masansan a panaglipat dagiti natataengan, nangruna no makaapektaren daytoy iti inaldaw nga aktibidad ken panagwaywayas.
Rumbeng a dagus nga agpakonsulta iti doktor no adda ti paulit-ulit a pannakalipat, pannakayaw-awan kadagiti pamiliar a lugar, pannakariro ti oras wenno lugar, ken marigatan kadagiti gagangay nga aktibidad.
Inlawlawag ti World Health Organization a ti dementia ket saan a normal a paset ti panaglakay ken mabalin nga addaan ti nadumaduma a pakaigapuan.
Ti Alzheimer’s disease iti kadawyan a kita daytoy, a mapattapatta a mangbukbukel iti 60 agingga 70 a porsiento dagiti kaso.
Makatulong met iti regular nga ehersisio, panangliklik iti panagsigarilio, panangkontrol iti alta presion ken diabetes, ken panangtaginayon ti social connection tapno maksayan wenno mangpabuntog iti peggad ti dementia.###
