Pinalubosan ti Sandiganbayan Third Division ni sigud nga House Speaker ken Leyte 1st District Representative Ferdinand Martin Romualdez a tumabuno iti arraignment ken pre-trial proceedings-na babaen ti videoconference manipud iti New Quezon City Jail Male Dormitory idiay Payatas.
Naituding iti arraignment ken pre-trial ita nga aldaw, Setiembre 16, 2026, iti oras nga alas-8:30 ti bigat.
Inaprobaran ti korte iti urgent motion ti kampo ni Romualdez ken binilin iti Quezon City Jail a mangipaay kadagiti kasapulan a pasilidad ken teknikal nga alikamen para iti videoconference.
Naiyakar ni Romualdez iti nadakamat a pagbaludan idi Setiembre 14 kalpasan a naideklara a clinically stable dagiti doktor ti Philippine General Hospital ken saanen a kasapulan ti agtultuloy nga acute hospital confinement. Nupay kasta, naikabil isuna iti infirmary para iti agtultuloy a medical monitoring.
Sumangsango ni Romualdez iti ₱7.44-billion plunder case nga inpila ti Office of the Ombudsman mainaig iti mapapati a kickbacks manipud kadagiti government infrastructure at flood-control projects. Impaganetget na met ti kinainosentena.###
