Nagballaag ni Supreme Court Senior Associate Justice Marvic M.V.F. Leonen kontra iti saan a kritikal ken responsable a panagusar ti Artificial Intelligence wenno AI, a kunana a mabalin nga adda ti napeggad nga epektona iti panangukom ken panangtameng ti hustisia.
Impaganetget ni Leonen a ti AI ket rumbeng laeng a tulong ken saan a kasukat ti human judgment dagiti hues, abogado, ken law students.
Kabayatanna, nainget nga inbilin ti Supreme Court AI Governance Framework nga awan ti AI tool a mabalin nga usaren iti Judiciary no awan ti pammalubos ti SC En Banc, ken ti AI output ket saan a mabalin a kakaisuna a nakaibasaran ti aniaman nga hudisial a desision.###
