Inbasura ni Department of National Defense Secretary Gilberto Teodoro Jr. iti panawagan ti China nga ikkaten iti BRP Sierra Madre idiay Ayungin Shoal.
Impaganetget ni Teodoro nga awan ti hurisdiksion ti Beijing kadagiti lehitimo nga aktibidad ti Pilipinas iti nasao a lugar.
Innayon na pay nga iti takder ti Pilipinas ket nakabasar iti United Nations Convention on the Law of the Sea (UNCLOS) ken international law.
Kabayatanna, kenuna ti Department of Foreign Affairs nga awan ti katulagan ti Pilipinas ken China a mangobliga iti Manila a mangikkat wenno mangguyod iti barko.
Segun ti ahensia, ti Ayungin Shoal ket adda iti uneg ti Philippine exclusive economic zone ken continental shelf, kas maibasar iti UNCLOS ken iti 2016 South China Sea Arbitral Award.###
