Insubpoena ti Senate Impeachment Court ni Davao City Mayor Sebastian “Baste” Duterte tapno sumango kas testigo iti impeachment trial ni Bise Presidente Sara Duterte inton Setiembre 23.
Karaman isuna kadagiti testigo a manamnama a mapagsaludsodan mainaig iti Article II ti Articles of Impeachment, a mangtaltalantan iti alegasion ti unexplained wealth.
Segun ti House prosecution panel, mabalin a makiddaw kenni Mayor Baste ti impormasion maipapan iti Gencorp Industries, Inc. ken dagiti mapapati a transaksion daytoy iti Davao City government.
Napasubpoena met ni Atty. Ariel Ronquillo ken Rendell Sopeña para inton Setiembre 21 agingga 23, idinto a ni Atty. Gary Samonte ken Police Major Jerickson Sangalang ket nabilin a sumango inton Setiembre 23.###
