Manamnama a ngumato ti presio dagiti sumagmamano a kangrunaan a tagilako gapu iti agtultuloy a panagngato ti presio dagiti produkto a petroleo a mangpadpadakkel iti gastos iti transportasion ken operasion dagiti negosio.
Segun kenni Steven Cua, Executive Director ti Philippine Amalgamated Supermarkets Association, adun a negosiante iti makarikrikna iti panagngato ti gastos iti panagitulod kadagiti produkto, idinto a nangnayon met iti pressure iti riribuk idiay Middle East ken ti panagkapuy ti piso kontra doliar.
Kenuna ni Cua a nakasaganan ti grupona a makitaripnong iti Department of Trade and Industry mainaig iti manamnama a price adjustments.
Immunan a nagpakdaar iti supermarket group a mabalin a maapektaran iti presio dagiti tagilako no ngumato iti gastos ti krudo, koriente, sueldo, ken imported raw materials.###
