Kinuestion ni Senador Joel Villanueva ti ₱9.757-bilion a pannakakissay iti singasing a pondo para iti Universal Access to Quality Tertiary Education (UAQTE) inton 2027, manipud iti ₱37.547 bilion idi 2026 agturong iti ₱27.790 bilion.
Kagiddan ditoy, bimmaba met iti pakabuklan a budhet ti Commission on Higher Education manipud ₱48.369 bilion agingga iti ₱35.453 bilion.
Segun kenni Villanueva, napateg nga umdas iti pondo para iti panangipatungpal ti Republic Act No. 12325, a napermaan idi Setiembre 4, 2026 ken mangibilbilin iti panangipaay ti prayoridad iti Tertiary Education Subsidy dagiti estudyante nga ad-adda nga agkasapulan, karaman dagiti kualipikado a benepisiario manipud kadagiti 4Ps households.
Iti laksid ti pakabuklan a kissay, nanayunan iti pondo para iti Student Financial Assistance Programs iti ₱3.185 billion manipud ₱2.154 billion, bayat nga ₱1.232 billion met iti nakatukon para iti Medical Scholarship and Return Service Program.
Kabayatanna, kenuna ti CHED nga agkidkiddaw daytoy ti kanayunan a pondo tapno masungbatan dagiti pagkasapulan dagiti estudyante iti sidong ti 2027 budget.###
