Pinaregta ni House prosecution Counsel Atty. Lorna Kapunan iti Senado nga agtalinaed a safe space para kadagiti babbai, kasaruno iti komento ni Senador Raffy Tulfo nga adda iti maysa nga abogada iti “pa-cute” kabayatan iti panagdamag na ti maysa a testigo iti impeachment trial ni Bise Presidente Sara Duterte.
Segun kenni Kapunan, mabalin a misstatement laeng ti waragawag ni Tulfo, ngem impalagip na a ti Senado mismo iti nangipasa iti Safe Spaces Act wenno Bawal Bastos Law.
Impaganetget pay iti abogada a nasken ket agbalin a natalged ti Senado para kadagiti abogada ken daduma pay a babbai nga adda iti panagdengngeg, agramanen dagiti senior citizens.
Ti Republic Act 11313 wenno Safe Spaces Act ket nairanta tapno sungbatan iti gender-based sexual harassment kadagiti pampubliko a lugar, online platforms, workplaces, ken educational institutions.
Idi Enero 2025, inaprobaran iti Senado iti maikatlo a panagbasa iti singasing a gakat tapno naan-anay a mapapirmaan kas linteg.
Maipalagip a binabalaw ni Sen-judge Raffy Tulfo ti prosecution panel gapo iti “pa-cute” a panagdamag iti testigo, kasta met iti panangiparang kadagiti testigo a saan met a kasapulan.
Inallukoy na iti prosekusyon a siguraduen a napateg nga impormasyon laeng ti maibinglay ti tunggal testigo ken saan nga aramiden nga arig na “Courtroom drama” wenno variety show ti impeachment proceedings.
