Nagsango iti saan a ninamnama a boxing session iti Pambansang Kamao a ni Manny Pacquiao ken iti Polish President a ni Karol Nawrocki bayat iti kaadda na ditoy Pilipinas.
Inbinglay ni Pacquiao iti video nu sadinno ket mabuya a sursurwan na ni President Nawrocki, a maysa met gayam a sigud nga amateur boxer, kadagiti basic boxing moves ken mitt work.
Kinuna ni Pacquiao a dakkel a pammadayaw para kenkuana nga ibinglay dagiti ammo na iti boxing kasta met a makadwa iti session ti lider iti Poland.
Nagyaman met ni Nawrocki iti gundaway a makadwa iti boxing ring iti kakaisuna nga Eight-division World Boxing Champion ti intero a lubong.
Nakagun-od kadagiti positibo a reaksyon iti panagsinnarak dagiti dua, nga ibilbilang dagiti fans kas napintas a pakakitaan iti pannakigayyem ken sports diplomacy.
