BR LA UNION – In-serve ni sigud a senador ken Boxing Hall of Famer Manny Pacquiao iti makunkuna a ceremonial first pitch sakbay a pormal a nangrugi ti ay-ayam iti New York Yankees ken Oakland Athletics idiay Amerika idi Miyerkules, Abril 8 (oras ditoy Pilipinas).
Iti sangwanan dagiti ribu nga agbuy-buya idiay Yankee Stadium, naimatangan da ti panangipurwak ni Pacquiao iti bola agturong iti catcher a ni JC Escarra.
Iti nasao a match, pinarmek ti Yankees iti Athletics, iti iskor a 5-3.
Nagbalin nga aktibo ni Pacquiao kadagiti sports engagement itay nabiit, a pakaibilangan ti panagbisita na idiay Los Angeles Clippers’ Intuit Dome ken panagdar-ay na iti maysa a Major League Soccer match.
Nabiit pay a binuya ken sinuportaranna iti laban ti anak na a ni Jimuel Pacquiao kontra kenni Darrick Gates.
