Dinayeg ti magnitude 7.7 a ginggined iti pagilian a Panama, parbangon ita nga aldaw ti Sabado, Oktubre 10, 2026, segun iti United States Geological Survey (USGS).
Nailista ti epicenter sadiay probinsya ti Herrera, asideg ti Pitaloza Arriba, a nangigubuay ti persdisyon kadagiti pasdek ken sangkabalayan, agramanen dagiti kalsada ken kangrunaan nga imprastraktura.
Karaman kadagiti nadadael ket ti maysa nga hotel, daan a simbaan, ken pasdek iti lokal a gobierno ti Penonomé. Napukawan met iti kuryente dagiti innem a probinsya gapo iti didigra.
Temporario a nasuspinde dagiti operasyon sadiay Tocumen International Airport kas panagannad bayat nga agtultuloy latta iti operasyon ti Panama Canal.
Nupay awan ti nailista a pimmusay ket 15 nga estudyante met dagiti nagsagaba ti minor injuries. Agtultuloy paylaeng iti panangpatta-patta dagiti otoridad ti kalawa ken gatad iti perdisyon nga inggubuay ti ginggined.
#bomboradyophilippines
#BomboRadyoLaUnion
#BastaRadyoBOMBO
