BR LA UNION – Natalged dagiti 40 a Pilipino a seafarers a naglugan iti Panama-flagged bulk carrier a First Margaux, a dimmungpar iti maysa a Chinese fishing vessel idiay Singapore strait idi Setyembre 17.
Segun kenni Department of Migrant Workers Secretary Hans Cacdac, awan iti nailista a nasugatan kadagiti 40 Filipino seafarers a nakalugan iti nasao a cargo ship.
Agtultuloy ti panagkalap ti impormasyon iti DMW, kabilang ti detalye ti licensed manning agency, bayat a nakumpirma metten ti pakabigbigan ti amin nga 40 seafarers.
Im-imbestigaran dagiti otoridad idiay Singapore iti insidente.
Saan pay a nalawag nu adda iti Pilipino a nakalugan iti Chinese fishing vessel.
Kabayatanna, imbaga ti ahensiya nga agtultuloy ti panangpa-pigsa iti proteksyon dagiti Filipino seafarers ken pangipaay ti libre a repatriation, nangruna kadagiti lugar a maibilang a high-risk.
