Naiyawiden ditoy Pilipinas dagiti 14 distressed Overseas Filipino Workers ken tallo da a dependents manipud Lebanon idi Oktubre 2 sadiay NAIA Terminal 3, lugan iti Qatar Airways flight QR928.
Dagos dagitoy a nakaawat ti welfare ken medical assistance manipud iti Department of Migrant Workers ken Overseas Workers Welfare Administration, kabinnulig iti Manila International Airport Authority Team.
Agtultuloy ida a tulongan ti OWWA para ti panagawid kadagiti bukod a pamilya, kasta met iti reintegration babaen kadagiti Regional Welfare Offices, agramanen dagiti programa a pakasurwan da iti pagbiagan ditoy pagilian.
