Inyuswat ti Philippine Navy iti maikatlo nga Offshore Patrol Vessel (OPV) a BRP Rajah Humabon sadiay Ulsan, South Korea idi Martes, Oktubre 13, 2026.
Binukel ti South Korean shipbuilder nga HD Hyundai Heavy Industries iti barko kas paset ti modernization program ti Sandatahang Lakas ng Pilipinas.
Namnamaen a mapapigsa daitoy iti kabaelan ti pagilian iti maritime surveillance, national security, ken panangilaban ti teritoryo.
Indauluan da AFP Vice Chief of Staff Lieutenant General Rommel P. Roldan ken Philippine Navy Flag Officer in Command Vice Admiral Jose Ma. Ambrosio Q. Ezpeleta iti delegasyon ti Pilipinas iti seremonya.
Sakbay iti aktibidad, nakitaripnong met ni Ezpeleta kadagiti opisyal ti Republic of Korea Navy tapnu ad-adda pay a maparegta iti kooperasyon a pangbaybay ti dua a pagilian.
