Dakkel ti maitulong dagiti bakawan nangruna iti panangsalaknib ti aglawlaw ken panangibaba iti epekto ti napudot a paniempo wenno El Niño.
Daytoy ti maysa a nakairantaan iti Lagoon Mangrove Eco Park a masarakan idiay Barangay Dulao, Aringay, La Union, a naipasdek idi 2019 babaen ti mangay-aywan iti lugar a ni Delailha Lacadue ngem idi laeng Mayo 2026 a nailukat iti publiko.
Kinuna ni Lacadue, addaan da iti 15 nga specie wenno kita ti bakawan a masarakan iti nasao a lugar, ken mabalin a makagatang dagiti bisita ken turista.
Dagitoy iti klase ti bakawan iti mangroove nursery:
– Bakawan a lalake
– Bakawan a babe
– Bato
– Api-api
– Kalapini
– Banaue Tree
– Pututan
– Pagatpat
– Nepa
– Pandan
– Henna
– Buta-buta
– Lapis-lapis
– Palaypay
– Blugaria
Iti agdama, ad-adu dagiti bisita nga agtur-turong iti lagoon, nangruna ket awan pay ti entrance fee. Adda met dagiti tour guide a mangiturong kadagiti bisita iti panangrikos iti lugar babaen iti panagrakit.
Saan laeng a panagpasyar ti mabalin nga aramiden dagiti bisita, mabalin pay ti agbanni-it ti ikan iti fishpond, ken mabalin met nga ipaluto dagitoy.
