Saan a maseknan ni Department of National Defense (DND) Secretary Gibo Teodoro iti pagdandanagan dagiti Filipino-Chinese business groups para iti posible a negatibo nga epekto iti negosyo ti agtultuloy a tensyon iti nagbaetan ti Pilipinas ken China mainaig iti saritaan sadiay West Philippine Sea (WPS).
Segun kenni Secretary Teodoro, saan a rumbeng a mapabasol dagiti Pilipino agsipud ta iti China met iti garamugam ken agum iti teritoryo.
Innayon na a nabayagen a ‘bully’ iti China kadagiti mangngalap a Pilipino a kayat laeng iti agkalap iti baybay a sakop met iti pagilian.
Impaima metten ni Teodoro iti publiko iti panagtingiting kadagiti sumagmamano a lider ken opisyales ti Pilipinas nga arig na ket depdepensaan da pay iti panag-agum iti China.
