Kinontra iti defense team ni sigud a Presidente Rodrigo Roa Duterte iti kiddaw ti prosekusyon iti International Criminal Court (ICC) a maawat kas ebidensiya dagiti immun-unan a nailasin a testimonya dagiti dua a testigo iti crimes against humanity a sangsangwen na.
Impaganetget iti depensa a naipasidongen iti cross-examination wenno panagdamag iti bangir a dasig dagiti nasao a testigo.
Iti pampubliko a dokumento nga addan paset a saanen a naibutaktak ken addaan petsa nga Oktubre 26, kiniddaw iti depensa idiay ICC Trial Chamber III a pagkedkedan iti testimonya dagiti testigo iti codenames a P-1393 ken P-1416.
Awan met iti panagkontra da iti panangawat kas ebidensiya kadagiti testimonya ti maikatlo a testigo a ni P-1370.
Segun iti depensa, napateg iti kaso dagiti debate mainaig kadagiti nadakamat ti testimonya da P-1393 ken P-1416. Gapo kadaitoy ket kasapulan a matingiting dagiti waragawag da babaen iti panagdamag nu kasta ket maamwan iti kredibilidad dagitoy.
Kiniddaw met iti prosekusyon a maawat dagiti immun-unan a nilista a testimonya dagiti tallo a testigo kas maiyannurot iti Rule 68(2)(b) iti Rules of Procedure and Evidence iti ICC, iti sidong dagiti partikular a kondisyon nga uray saan a sumango iti korte dagitoy.
