Inwaragawag ni National Capital Region Police Office (NCRPO) Spokesperson Lieutenant Colonel Hazel Asilo nga adda itan iti final stage a panagsagana ti umadani a 49th ASEAN Summit a maangay ditoy pagilian manipud Nobyembre 16 agingga 18, 2026.
Manamnama a dumar-ay iti summit dagiti kangrunaan a lider dagiti 11 a pagilian a miembro iti ASEAN, babaen iti panangidaulo ni Presidente Ferdinand “Bongbong” Marcos Jr., kasta met dagiti lider ti dialogue partners, uray ni US President Donald Trump, ken dadduma pay a nangangato a representante dagiti kaalyado a pagilian ken international organizations.
Segun kenni Asilo, aganay 12,600 a pulis ti nakasagana a mai-deploy kadagiti kangrunaan a lugar ken pasilidad tapno ipasiguro iti seguridad ti panagtataripnong. Posible met kunana a manayunan iti bilang, depende iti pagkasapulan.
Nakatuding met a maipasidong iti full alert status ti intero a hanay ti kapulisan bayat nga umadani iti summit tapno masiguro iti kinatalged ken kinaannayas.
