Impasigurado ni House Prosecutor Rep. Terry Ridon a nakasagana iti House Prosecution Panel a mangisayangkat ti cross-examination kadagiti amin a testigo nga ipasango ti depensa iti panagsubli ti impeachment trial ni Vice President Sara Duterte ita nga aldaw, Nobyembre 9, 2026.
Segun kenni Ridon, kasapulan a mailawlawag ti kampo ti Bise Presidente iti maipagarop nga P800 milyon agingga P1.5 bilyon nga unexplained wealth, karaman iti nasurok P100 milyon a nilaon dagiti financial account a maipagarop a saan a nakailista iti Statement of Assets, Liabilities and Net Worth (SALN).
Kayat met nga ilawlawag ti prosekusyon iti nasurok P200,000 a credit card transactions a maipagarop nga inusar iti panagkaan ti ruar ken panaggatang dagiti sapatos, nupay kinedkedan ni Ridon nga ibatad nu siasino iti dasig da iti partikular a mang-cross examine kadagiti testigo.
Impaganetget pay ti agpanpanday-linteg a saan a mabalin nga ipabasol ti Bise Presidente kadagiti staff na iti biddot a SALN, agsipudta kas maysa nga abogado ket ammo na daitoy iti legal nga epekto ti panagpirma iti maysa a notarized document mainaig ti P817.87 milyon estimated unexplained wealth da ti asawa na a ni Atty. Manases Carpio.
Kabayatanna, inwaragawag ni prosecution legal spokesperson Atty. Benjamin Tolosa Jr. a nakasagana iti amin a public ken private prosecutors para iti panagusing, ken kinuna a nasaysayaat nu mismo nga iti Bise Presidente iti sumango kas witness tapnu ibatad iti kinapudno kontra kadagiti alegasyon nga iliblibakan na.
