Nakailista ti pakasaritaan ti Pinay singer a ni Carmelle Collado, kalpasan nga agballigi iti kalkalpas laeng nga Eurovision Song Contest Asia.
Isuna iti kaunaan a kampeon iti nasao a regional competiton.
Kinansion na iti kanta a “Sobra-Sobra” ni Nica del Rosario ken Mat Olavides nu sadinno nakaala daitoy ti 211 points.
Nangidaulo isuna iti Jury Voting nga addaan ti 93 points bayat a nakaala met daitoy ti 118 points manipud iti botos ti audience.
Maikadua met ni Mang x Daou ti Thailand nga addaan ti 170 points.
Bayat a ni Toc Tien ti Vietnam ket addaan ti pakabuklan a puntos a 164.
Segun kenni Carmelle, kitkitaen na daitoy a dakdakkel nga oportunidad saan laeng a para iti sarili na nu di ket para iti OPM a makatulong kadagiti ad-adu a tao a makadiskubre ti kantang Pinoy.
Isuna iti agbalin a representantes ti Asya iti Eurovision Song Contest 2027 a maangay idiay Burgas, Bulgaria.
