Nagballaygi manen iti BOMBO RADYO PHILIPPINES ti insayangkat na a “Dugong Bombo 2026: A Little Pain, a Life to Gain 2026” maysa a nationwide blood donation drive, kabinnulig ti Bombo Radyo Philippine Foundation Incorporated ken Philippine Red Cross.
Naggi-giddan a naisayangkat ti programa iti 25 key cities a pakasarakan ti Bombo Radyo ken Star FM Station iti intero a pagilian idi kalman, Nobyembre 14, 2026.
Babaen iti Dugong Bombo 2026, nakaurnong ti pakabuklan a 1,964, 250 cubic centimeters (cc) ti dara, pakaibatugan iti aganay 1,964 a litro, wenno 518 gallons, wenno dandani 10 a drum ti dara manipud iti pakabuklan a 4,365 successful blood donors nationwide.
Mainaig ti dayta, ipeksa ti Bombo Radyo Philippines iti panagyaman na iti amin a successful blood donors , pakairamanan dagiti nagparehistro ngem saan a nakapag-dnoar gapu iti medical screening requirements.
Dakkel pay ti panagyaman ti Bombo Radyo Philippines iti amin a partner, lokal a gobyerno, civic and community organizations, dagiti volunteers, ken naduma-duma a grupo a nangipaay ti suporta tapno agballaygi ti DUGONG BOMBO.
Iti aganay 10 a drum a nakolekta a dara ket makatulong tapno maaddaan ti naan-anay a suplay ti dara kadagiti blood banks, nangruna ket agtultuloy ti napigsa a pagkasapolan para iti blood ytransfusion ken dadduma pay nga emergency medical needs.
Ti nasao a ganwat ket mangsiguro tapno ad-adu pay a pasyente iti maaddaan ti access iti nakolekta ken nakadulin a dara, para iti pagkasapolan dagitoy.
Saan laeng a maysa a simple a blood donation drive ti Dugong Bombo, agsipudta iparangarang na pay iti kaadda ti espiritu ti panagkaykaysa, kina-managparabur, ken panagtitinnulong.
Tunggal dara a naidonar ket mangipak-pakita iti namnama ken oportunidad tapno makaisalbar ti biag.
Dagiti successful blood donors ket nakaawat iti specially designed a Dugong Bombo t-shirt, hot meals, snacks, ken refreshment.
Kadagiti amin a nag-donar ti dara, nakipaset, nagboluntaryo, ken simmuporta iti kampanya, AGYAMAN-KAMI TAPNO MAPAG-BALIN A BALLAYGI ITI DUGONG BOMBO 2026, A LITTLE PAIN, A LIFE TO GAIN.
BASTA RADYO BOMBO!
