Nakagun-od iti pammadayaw ken panangbigbig iti Star FM / Bombo Radyo Philippines iti naisayangkat a maika-48 a Catholic Mass Media Awards ita a tawen.
Nangabak kas ‘Best Educational Program’ iti ‘It’s All For You In the Morning’ ti DWHY – Star FM Dagupan / People’s Broadcasting Service, Inc.
Bayat a simrek met kas finalist iti kapada a kategorya iti programa a ‘Good Morning Philippines’ ti Bombo Radyo Iloilo.
Malaksid dayta, naipaayan ti ‘Special Citation’ iti ‘It’s All For You In The Morning’ ti 95.9 Star FM Bacolod / Bombo Radyo Philippines iti kategorya a Best Entertainment Program.
Dagiti nagun-od a pammadayaw ti Bombo Radyo Philippines ket agserbi a pammaneknek nga awan sarday iti panagregget ken dedikasyon iti tay-ak ti napnuan kaipapanan a panagirakurak.
