Papalimitaran ni Senator Risa Hontiveros ti access kadagiti online gambling ditoy Pilipinas.
Dinakamat ni Hontiveros a nalaka la unayen a ma-adik iti sugal dagiti Pilipino gapo iti accessibility na kadagiti e-wallets ken super applications.
Manipud iti unnumbered bill nga impila ti senadora, kayat na a ma-regulate ti online gambling accessibility a mangipariten ti direkta a link ti e-wallets ken super apps kadagiti online gambling platforms.
Dagiti laengen 21-anyos agpangato ti mapalubosan nga ag-register ken makipaset kadagiti online gambling platforms.
Naballaagan met dagiti licensed online gambling operator a mangipatungpal ti epektibo nga age verification protocols tapno masiguro ti restriksyon iti tawen dagiti makausar ti online gambling.
Mainayon iti dayta ti panangituding da iti maximum limits kadagiti gatad a maipusta a nu nadanon ti maysa a player ti limit ket otomatiko a ma-suspend ti account da manipud iti online gambling services access iti minimum a 30 nga aldaw.
Kabayatanna, maitukon met ti 10% a biruk ti online gambling kadagiti ospital ken rehabilitasyon para kadagiti na-adik ti online sugal, public education campaigns kontra gambling, monitoring, enforcement programs, research, ken policy evaluation.
