LA UNION – Binallaagan ita ni Police Director Oscar Albayalde dagiti police scalawags nga isardengdan ti illegal ng aramidda bayat a nasapa pay ti amin.
Kasaruno daytoy ti panangaklonna nga adu latta dagiti kakaduada iti serbisio a mairamraman kadagiti maikaniwas nga aramid kas iti illegal a droga ken dadduma a kita ti krimen.
Segun ken ni Albayalde, narugiandan ti mangdalus iti biang ti Philippine National Police (PNP) tapno maisubli ti napintas nga imahen ti institusion a dinadael dagiti kakaduada nga scalawags.
Ni Albayalde ket nagserbi a kangrunaan a sangaili iti pannakalagip ti maika-117 a police service anniversary iti Police Regional Office-1 idi kalman.
