BR LA UNION – Impaganetget ni Armed Forces of the Philippines (AFP) chief of Staff Romeo Brawner Jr. nga awan ti mapasamak a kudeta iti sidong ti liderato na.
Daytoy ket iti tengnga dagiti espekulasyon nga internal unrest iti biang ti militar.
Iti maysa nga statement, pinasingkedan ti AFP chief iti saan a marpu-og a commitment ti organisasyon iti Konstitusyon ken iti chain of command.
Kinuna na nga agingga a nakatugaw daytoy kas Chief of Staff, awan ti mapasamak a kudeta ken saan da nga agpa-apektar kadagiti sayanggugseng wenno manangallilaw a waragawag.
Siniguro pay ni Gen. Brawner kadagiti umili nga agtalinaed a natibker, propesyunal ken napudno ti Puwersa Armada ti Pilipinas iti chain of command.
Nagballaag ti AFP chief kadagiti agtultuloy nga agiwar-waras ti biddut nga impormasyon iti “broader consequences” iti panang-perdi ti puwersa militar.
Inallokoy ni Brawner iti publiko nga agbalin nga alibtak ken siguradwen ti pudpudno a concerns kontra iti awan basaran nga espekulasyon nangruna nu maipapan iti public institutions ken national security.
