Nagpanawagan ni Armed Forces of the Philippines (AFP) Chief of Staff General Romeo Brawner Junior kadagiti soldado a agtalinaed a nakapamaysa iti trabaho da iti kangitingitan ti isyu ti kaadda ti dual citizenship ni Defense Secretary Gilberto Teodoro Jr.
Kinuna ni Brawner nga inlawlawagen ni Teodoro ti isyu ken kinuna a tinallikudan nan ti foreign passport na idi tawen 2021.
Impaganetget iti AFP Chief nga agtaltalinaed ni Teodoro ti sinapataan na a mandato kas maiyannurot iti Konstitusyon ti Pilipinas.
Idi nadamag nu adda iti kapada nga isyu iti uneg ti AFP, kinuna ni Brawner a personal daitoy a saritaan ken saan a rumbeng a makaapektar iti trabaho ti militar.
