BR LA UNION – Sap-sapolen ti Philippine Navy iti maysa pay a naipadamag nga underwater drone wenno glider a maipagarop a nasaripatpatan iti kabaybayan a sakop ti Bohol.
Immuna a nakita ti mangngalap iti nasao a done a tum-tumpaw iti kabaybayan, ngem maipagarop a saan da nga innala gaputi buteng.
Maibasar iti video ti nasao a drone, daytoy ket color silver and red, mapapati a maika-6 nga underwater drone a nakita iti naduma-duma a paset ti kabaybayan ti pagilian.
Segun kenni Philippine Navy Spokesperson for the West Philippine Sea, Rear Admiral Roy Vincent Trinidad, sap-sapolen da ti nasao a drone ket namnamaen da a makita daytoy tapno maipasidong iti forensic investigation.
Iti baro a drone sighting ket kasaruno ti narekober a drone idiay probinsya ti Masbate .
Saan met nga ikkaten ti Philippine Navy iti posibilidad a ti nasao a drone ket maus-usar iti military application.
