LA UNION – Dead on arrival iti Bacnotan District Hospital ti ag-ama iti napasamak nga aksidente idiay kawatiwaran ti Bitalag-Luna road idiay Barangay Bitalag, Bacnotan, La Union.
Nabigbig ti ag-ama nga isuda Christian Del Mar Monis, 24; ken Emiliano Monis, 60; agpada a construction worker ken residente ti Barangay Quirino iti nadakamat nga ili.
Maibasar iti report ti Bacnotan Police, agturturong iti laud nga direksyon ti motorsiklo a nagluganan dagiti ag-ama idi kellaat a nagdiretso daytoy iti taltalon.
Nupay naitaray dagitoy iti pagagasan ngem saandan nga immabot a sibibiag kalpasan a nagsagaba da ti sugat iti ulo a rason iti dagusda nga ipupusay.
