BR LA UNION – Umabot iti ₱12-B ti pakabuklan nga assets ti na-freeze ti Anti-Money Laundering Council (AMLC) kabilang iti P4-B nga air assets ni Zaldy Co, 3,566 bank accounts, 198 insurance policies, 247 a lugan, 178 real properties, ken 16 e-wallets.
Daytoy ti impadamag ni President Ferdinand Marcos Jr.
Impaganetget ti Presidente a daytoy ti karina kadagiti umili a maisubli ti natakaw a kuwarta.
Imbaga pay ni Presidente Marcos nga agsumite met ti Independent Commission for Infrastructure (ICI) ken DPWH iti ebidensiya idiay Ombudsman para iti rekomendasyon a panangipila ti kaso a plunder, anti-graft, bribery, ken conflict of interest kontra kadagiti walo a kongresista nga addaan ti construction companies.
