LA UNION – Nakasagana iti pakabuklan nga P84.88 million a balor ti agricultural inputs para kadagiti mannnalon a naapektaran iti panagduprak ti bagyo Nika, Ofel, ken Pepito.
Segun iti Department of Agriculture(DA), pakaibilangan ditoy dagiti bin-i ti palay, mais, high value crops, agas, abono, ken dadduma pay nga agricultural inputs a mausar dagiti mannalon tapno makabangon da manipud epekto ti bagyo.
Dagitoy ket naka-posisyon iti naduma-duma a rehiyon, kas iti Ilocos Region, Cagayan valley, Central Luzon, Western Visayas, Central Visayas, Eastern Visayas, ken Northern Minandao.
Nakasagana metten dagiti fish stock ken fishing equipment manipud Bureau of Fisheries and Aquatic Resources (BFAR) a nakatuding nga ibunong kadagiti mangngalap.
Segun iti ahensiya, mangisay-sayangkaten iti Philippine Crop Insurance Corporation (PCIC) ti assessment ken validation kadagiti insurance claims dagiti mannalon nga immunan a nagpa-assess iti perdisyon ti mula dagitoy.
Plano ti Department of Agriculture nga ibunong dagiti nasao a tulong kadagiti mannalon iti kabiitan a panawen, tapno adda usaren dagiti biktima iti panagbangon dagitoy manipud iti epekto ti bagyo.
