LA UNION – Maipagarop a nagpakamatay iti maysa nga agassawa idiay Barangay Poblacion, Aringay, La Union.
Binigbig ti pulisiya iti biktima nga agassawa, nga isuda Charlotte Franco, 31 ken Richard Franco, 32, agpada a residente ti nadakamat a lugar.
Maibasar iti inisyal a report iti pulisiya, iti misis ket nagsagaba ti pammagsol iti naduma-duma a paset ti bagi ken nadigos iti bukod na a dara.
Nakita iti abay ti misis iti maysa a kutsilyo a nausar iti nasao a pammagsol.
Kabayatanna, iti met mister ket nakita laengen a nakabitin babaen iti inusar na a kable ti koryente.
Naamwan a sakbay iti insidente, ket nag-iinom dagitoy kadwa da iti daddumna pay a cacabagyan da idi rabii ti sabado.
Ngem iti kabigatan na ket nakita laengen iti annak dagiti agassawa a natayen iti ina ken ama dagitoy.
Iti agdama, mangisay-sayangkat iti naun-uneg pay nga imbestigasyon ti Aringay PNP tapno amwen ti pudno a pasamak.
Nupay makunkuna nga imon ti motibo iti maipagarop a panagpakamatay iti agassawa.
