Tiniliw dagiti otoridad ti maysa nga agtatakaw ken nakumpsikaran pay ti droga idiay Brgy Pangao-aoan East, Aringay, La Union.
Nabigbig ti suspek a ni DOMINADOR DIAZ, 38 anyos, baro, tricycle driver ken residente ti nasao a lugar.
Iti imbestigasyon dagiti otoridad, nirespondianda ti report nga naidanon kadakuada maipapan iti panagtakawan iti DDL & SONS GAMEFARM nga nagresulta ti pannakatiliw iti suspect a naaktuan nga ikot na ti maysa pangpallot a manok.
Ti suspek ket naipasidong iti pannakakapkap nga nagresltaaan iti pannakumpiskar kenkuana ti (1) transparent plastic nga naglaon iti mapapati a napagango a bulong ti Marijuana, (1) stick ti nairolyo a papel nga naglaon iti mapapati met laeng a napagango a bulong ti Marijuana a mapatta-patta nga agbalor ti P1,500 pesos.
Adda iti kustodiya ti Aringay Police Station dagiti nakumpiskar nga ebidensya idinto a maur-uray metten iti maidatag a kaso kontra iti suspek.
