Impangato iti Philippine Institute of Volcanology and Seismology (PHIVOLCS) ti Department of Science and Technology (DOST) iti Alert Level 3 ti estado iti Bulkan Mayon manipud Alert Level 2 itay alas-12:30 ti tengnga’t aldaw ita nga Oktubre 30, 2026, kasaruno iti moderately explosive eruption na ti oras alas-11:53AM.
Pakaibatugan daitoy iti baro manen a paset iti magmatic eruption ken nangatngato a peggad dagiti lava flows ken pyroclastic density currents wenno PDCs.
Nangipugso pay iti bulkan ti napuskol nga ash plume a dimmanon ti 3k a metro manipud iti wangawanganna, nga impul-oy met ti angin pa Laud Abagatan-a-laud.
Nainget nga inrekomendar dagiti maseknan iti panagbakwit dagiti residente iti 6-kilometer Permanent Danger Zone (PDZ). Maiparit pay iti panagpatayab asideg iti summit bulkan.
Manamnama a makapadas iti ashfall dagiti ili ti Daraga, Camalig, Guinobatan, ken dadduma pay a kabangibang a lugar idiay Albay.
Agtultuloy met iti panagbantay iti PHIVOLCS kadagiti aktibidad iti bulkan ken maballaagan iti publiko para iti lahar ken sediment-laden streamflows kadagiti karayan, nangruna nu maigiddan pay iti panagtudo.
