Bimmaba iti maysa a pwesto ni Filipino tennis star Alexandra “Alex” Eala iti No. 19 ti kabaroan a Women’s Tennis Association (WTA) official rankings a nairuar ita a Lunes.
Manipud iti career-high ranking a No. 18 idi napalabas a bulan ti Agosto, addaan itan ti 2,241 puntos iti 21-anyos a pambato ti Pilipinas.
Iti apagapaman a panagbaba ni Eala iti ranking ket kalpasan a ngimmato ni Belgian tennis player Elise Mertens manipud No. 19 a nagbalin a No. 14 kalpasan a makaala ti 2,540 puntos.
Laksid daitoy, ni Eala latta iti kangatwan a nakaabot ti ranggo iti pakasaritaan ti South-East Asia nu maipapan ti WTA Tour, kalpasan daitoy nga artapan ti sigud a record ni Yayuk Basuki ti Indonesia ken Tamarine Tanasugarn ti Thailand nga agpada a nagleppas ti No. 19.
Kabayatanna, nakaituding met isuna a mangrugi iti kampanya ti 1000 Wuhan Open ita a rabii ti Lunes kontra kenni Chinese qualifier Han Shi, bayat a makapareha na ni Turkish player Zeynep Sönmez iti doubles event kontra iti tambalan ti Ukraine.
