Mangrugin iti kampanya ni Filipina tennis star Alex Eala ken sigud a world number one a ni Venus William iti doubles ti WTA 500 Bad Homburg Open idiay Germany.
Sangwen da ni Alexandra Osborne manipud Australia ken Catherine Harrison manipud Estados Unidos iti opening round ti torneo.
Sakbay ti doubles match, agpada da a nasapa a nagleppas iti singles competition. Naabak ni Eala kenni Elise Mertens ti Belgium iti umuna a round, bayat naabak met ni Williams kenni Irina-Camelia Begu ti Romania.
Inpeksa ni Eala iti panaggagar na a makaay-ayam ni Williams, nga inbilang na a maysa kadagiti kadakkelan nga inspirasion iti women’s tennis.
Ti Bad Homburg Open ket paset iti panagsagana dagiti dua a players iti masungad a Wimbledon Championships a mangrugi iti maudi a paset ti Hunio.###
