Opisyalen a nakastrek ti Top 40 iti Women’s Tennis Association (WTA) ti Filipina tennis star a ni Alex Eala, sakbay pay iti opening-round match para ti WTA 1000 Qatar Open idiay Doha.
Daitoy a milestone ti nangikabil kenni Eala a kas Filipina tennis player nga addaan ti kangatoan a ranggo iti pakasaritaan kalpasan ti naballigi a kampanya iti Abu Dhabi Open nu sadinno ket dimmanon pay isuna ti quarterfinals iti singles ken semifinals ti doubles.
Ngem sakbay a makadanon iti global stage, simple laeng ti nagrugian ni Eala. Kas preschooler ket family pastime laeng iti umuna a panagiggem na ti raketa idiay Valle Verde Country Club, Pasig City.
Ubing payleng ket nakitaan isunan iti natural a sirib ken dedikasyon iti sport.
13-anyos ket immakar ni Eala idiay Mallorca, Spain tapno agensayo sadiay Rafa Nadal Academy, maysa nga addang a nangipaay kenkuana iti oportunidad kontra kadagiti international junior players.
Nagbalin isuna a junior champion kadagiti nagduduma a torneo, karaman ditan ti Grand Slam junior doubles titles.
Tawen 2020 idi naan-anay a nagbalin a propesyonal isuna ken in-inut a ngimmato ti ranggo na laksid dagiti napipigsa a kalaban ti WTA circuit.
