Nasapa a nagleppas iti kampanya ni World No. 30 ken Filipino tennis star Alex Eala iti singles ti Bad Homburg Open kalpasan a naabak kenni World No. 26 Elise Mertens, iti umuna a round babaen ti iskor a 6-3, 6-3.
Napigsa iti panagrugi ni Eala ken nakaala pay ti 3-1 iti umuna a set kalpasan a mabreak iti serve ni Mertens. Nupay kasta, bimmawi ti Belgian player ken nangabak iti walo a nagsasaruno nga ay-ayam tapno alaenna ti umuna a set ken maala ti a kalamangan iti maikadua a set.
Nabawasan ni Eala iti agwat ngem saan na a naituloy iti panagbangon gapuanan tapno maiserra iti dua a nagsaruno a set.
Ti pannakaabakna iti kasapaan a panagruar ni Eala iti grass-court tournament ita a season, sumagmamano laeng nga aldaw kalpasan a nakadanon iti semifinals ti Berlin Open.
Laksid ti pannakaikkat na iti singles, agtaltalinaed pay laeng ni Eala iti doubles competition ken makaduana ni Venus Williams kontra kada Alexandra Osborne ken Catherine Harrison iti Round of 16.###
