Nangabak manen ti Filipina tennis star a ni Alex Eala ken napintas a rugi para ti 2026 season kalpasan nga abaken na ni Petra Marcinko ti pagilian a Croatia iti agtultuloy nga ASB Classic idiay Auckland.
Babaen ti scores a 6-0 ken 6-2, dinominar ni Eala ti ay-ayam a pinalpas na laeng ti maysa oras ken 12 a minuto.
Tallo a daras na a na-break ti serve ni Marcinko iti umuna a set ken uray maminsan ket saan na a pinangabak ti kalaban.
Para iti maikadua a set ket nakapuntos ni Marcinko kadagiti dua a games ngem nagtalinaed latta a kontrolado ni Eala ti ay-ayam.
Ti sabali a bangir ket makasango na iti quarterfinals ti siasinoman nga agballigi ti nagbaetan da Magda Linette manipud Poland ken ni Elisabetta Cocciaretto manipud Italia.
Daitoy a balligi ket nakanayon manen iti kumpiyansa ni Eala kalpasan ti balitok a medalya na iti Southeast Asian Games idi laeng Disyembre 2025.
