Naragsak nga inbinglay ti Filipina tennis star a ni Alex Eala a karaman isuna ti listaan ti prestisyoso a 2025 MGM Macau Tennis Masters.
Kinunana a maysa a dayaw ti makaay-ayam iti nasao a torneo a mangrugi inton Disyembre 27 agingga 28.
Umuna na a makasango ket ti World Number 9 a ni Mirra Andreeva ti Russia para ti women’s single inton aldaw ti Dominggo.
Nakasangon ni Eala ti Russian tennis player idi 2022 US Open ken inabak na daitoy isu a nabirngasan isuna kas kaunaan a Filipina junior Grand Slam champion.
Agkadwa da metlaeng para ti second-round finish ti doubles. Agay-ayam pay ni Eala iti mixed doubles ken makadwa na met ti ATP No. 253 a ni Jerry Shang manipud China.
Maipalagip a kalkalpas laeng a magun-od ni Eala ti pakasaritaan a balitok a medalya iti kallabes a Southeast Asian Games 2025.
