BR LA UNION – Nakedngan a guilty ni sigud a Bamban, Tarlac Mayor Alice Guo idiay Pasig Regional Trial Court Branch 167 gaputi kaso a Qualified Trafficking in Persons.
Ti verdict ket adda pakainaigan na iti operasyon ti Philippine Offshore Gaming Operators (POGO) idiay Bamban a ginasut dagiti mangmangged ti naisalbar iti maysa a raid.
Impataw ti korte ti pannusa a reclusion perpetua wenno kaibatugan ti tungpal biag a pannakaibalud.
Ni Guo ket nagbalin a sentro ti kontrobersya kalpasan a natakwatan ti pakainaigan na kadagiti Chinese nationals iti iligal a POGO hub.
Malaksid iti trafficking, nagbalin pay nga isyu ti kinatao ken citizenship na a lalo nangpakaru ti interes ti publiko.
Iti desisyon ti korte ket maibilang a pakasaritaan kontra iti maysa a lokal nga opisyal a nairaman iti POGO-related crimes.
Ibilang met daytoy a ballaygi para kadagiti biktima ti human trafficking ken ballaag kadagiti opisyal a mabalin a mairaman iti iligal nga operasyon.
