Nangipila ni sigud a Bamban, Tarlac Mayor Alice Guo tapno agtalinaed iti famale dormitory ti Pasig City Jail ken saan pay a maiyakar iti Correctional Institution for Women idiay Mandaluyong.
Nakedngan a guilty ni Guo ken dagiti pito a sabsabali pay ti Pasig RTC Branch 167 idi Nobiembre 20 gapu iti qualified human trafficking.
Nasentensiaan da ti tungpal biag a pannakaibalud, multa a ₱2 million tunggal kaso, ken panagbayad ti danyos kadagiti biktima.
Iti kaso ket mainaig iti operasion ti maysa nga illegal POGO Hub idiay Bamban, Tarlac a natakuatan iti maysa a raid babaen dagiti otoridad idi 2024.#
