BR LA UNION – Kimmiddaw ti baro a fitness review iti International Criminal Court iti baro a dutok nga abogado ni sigud a Presidente Rodrigo Duterte.
Iti indatag ni Peter Haynes, kiniddaw na iti korte a kitaen ti kasasaad ti salun-at ti sigud a presidente tapno makadar-ay iti panagdengngeg.
Maipagarop a makitkita na a kumapkapsot ti salun-at ti sigud a presidente.
Iti kanito a makita nga adda naan-anay a pigsa ti sigud a presidente para iti panagdengngeg ket napateg a maipaayan isuna ti naan-anay a panawen tapno agsagana.
Maipalagip nga immunan nga imbasura ti ICC iti mosyon ti kampo ti sigud a presiente ken naideklara isuna a mentally ken physically fit tapno sumango iti pre-trial proceedings.
Iti desisyon a nairuar idi Pebrero 13 ket imbaga ti Pre-Trial Chamber nga adda naan-anay a pigsa ti sigud a presidente tapno dumar-ay kadagiti panagdengngeg.
Nasurok itan a maysa a tawen nga adda idiay ICC ti sigud a presidente ken sumangsango iti crime against humanity gaputi nadara a kampanya na iti iligal a droga.
