BR LA UNION – Nagpanawagan ni Manila 6th district Representative Bienvenido “Benny” Abante Jr iti senate impeachment court nga adalen nu adda panaglabsing iti sub judice rule dagiti nagbalin a waragawag ni Atty. Paolo Panelo, tagapagsarita ni Vice President Sara Duterte.
Daytoy ket kalpasan nga inladawan ni Panelo a “kalokwan” ti sumagmamano a pasamak iti impeachment proceedings ken kinuwestiyunaran na ti nagbalin a ruling ti impeachment court iti conviction threshold.
Segun kenni Abante, nasken nga amirisen dagiti senator-judge nu adda sung-sungbatan ni Panelo agsipudta iti nagbalin a waragawag na ket adda pakainaigan kadagiti isyu a nakapenpen iti impeachment trial.
Laksid a saan pay a naan-anay a paset iti defense team, imbaga ni Abante a napateg a maipangruna iti posisyon na kas spokesperson ti bise presidente.
Nagbotos iti impeachment court ti 13-1, bayat nga innem a senator-judge ti saan a nakipaset, tapno baliwan iti tinawen nga interpretasyon iti two-thirds conviction threshold.
Iti baro a ruling, ti agbalin a denominator ket dagiti Senador a legal ken factual a makipaset iti binnotosan.
Idi Agosto, nangipatungpal ti impeachment court ti mas nair-irut a sub judice rule ken siguden a nangirwar ti show-cause orders kontra iti dua a miyembro ti prosecution panel .
Gaputi dayta, inallokoy ni Abante dagiti senator-judge nga amirisen dagiti nagbalin a waragawag ni Panelo.
