BR LA UNION – Arigna a nabiag manen ti dara ni Alvin Aragon kalpasan dagiti kontrobersiya a nakairamanan na itay kallabes.
Nagkomento manen ni Aragon iti kontrobersyal a waragawag ni Quezon City 4th District Rep. Bong Suntay maipapan kenni TV host-actress Anne Curtis ket immani daytoy ti agsisimparat a pammabalaw iti naduma-duma a sektor agraman iti pamilya Curtis.
Iti Facebook post na idi Marso 4, imbaga manen ni Alvin a dagiti lallaki ket rumbeng a protektaran iti asawa, idinto a dagiti met babbai ket rumbeng nga agsuot ti disente tapno maliklikan iti “sin of lust.”
Inlawlawag ni Alvin, iti pammati ti makatulong tapno maliklikan dagiti sulisog.
Iti nasao a waragawag Alvin ket nakanayon laeng iti lumaw-lawa a diskusyon kalpasan a mababalaw ni Rep. Suntay gaputi komento na seknan iti ”desire” a marikrikna na idi makita na ni Anne iti maysa a mall.
Takderan ti mammanday linteg nga awan ti dakes nga intensyon iti imbaga na, ken ti panagkiddaw ti dispensar kadagiti nasaktan iti nasao a waragawag.
Mainaig ti daytoy, pormal a nangidatag ti kaso ita nga aldaw ti Huwebes, Marso 5 iti Gabriela Women’s Party nga ethics complaint kontra kenni Suntay.
