Naidataganen iti kaso ti suspek a nangpaltog iti anak na idiat Brgy. Cabua-an, Balaoan, La Union
Nabigbig iti suspek a ni Rogelio Navalta, 65 anyos awanan asawa idinto a ti biktima ket Jojo Navalta, 43 anyos, tricyle driver agpada a residente iti nasao nga lugar.
Napasamak ti insidente idiay Brgy. Cabua-an, Balaoan, La Union.no sadino alas 8:00 ti rabii itay kanikadua ti suspek ket madama ti panaginom na ti arak kadua dagiti construction workers iti lugar daytoy idi naaddaanda iti nabara a diskusyon iti anak na a biktima.
Kalpasan na, nagawid ti biktima no sadino sinurot isuna ti suspek kasaruno iti panangpaltog na iti tsan iti naud-udi.
Ditoy met nga kinumbinser dagiti otoridad ti suspek nga isurender ti paltog na a caliber .38 revolver (Armscor) nga nagkarga ti 5 a live ammos ken 1 a spent shell.
Dagus met nga naiturong iti Balaoan District Hospital ngem naiyakar iti Lorma Medical Center, ditoy syudad ti San Fernando City, para iti naan-anay na a pannakatameng no sadino adda metten daytoy iti nasayaat nga kasasaad.
Kabayatan na, iti pannakiuman ti Bombo Radyo La Union kenni Pol. Major. Lawrence Ganuela, chief of police ti Balaoan Police Station, naidatagan iti kaso nga frustrated parricide ti suspek nga madama a nakabalud iti Balaoan Police Station.
Immuna metten nga inpalawag ti suspek kadagiti otoridad nga ti paltog a naala kenkuana ket nabayagen a nagatang na kas protection iti bagi daytoy.
