LA UNION – Agaw-pansin iti ama ni Olympics Golden Boy Carlos Yulo a ni Mark Andrew Yulo, iti panang-padaan ken panagbuya iti ‘heroes’ parade itay malem ti Miyerkules idiay siyudad ti Manila.
Iti grupo ti ama ni Yulo ket nangaramid pay ti banner a nakaisuratan iti “CALOY NANDITO PAPA MO.”
Binagkat met dagiti agbuy-buya ni Mark idi limmabas iti batog da iti convoy.
Nakita dayta ni Carlos ket namindua a daras a simmaludo.
Maipalagip a saan a nakita idiay Villamor Airbase iti pamilya Yulo, ken uray idiay palasyo ti Malacanang, para kadagiti simmangpet nga Olympians a pakairamanan ti nabirngasan a Golden Boy ti pagilian ken nasurok 20 pay nga atleta a simmalip iti torneyo idiay Paris, France.
