Makisalip manen iti world title ti two-time Olympic gold medalist a ni Carlos Yulo kasaruno a makastrek iti floor exercise ken vault finals iti 54th Artistic Gymnastics World Championships idiay Rotterdam, Netherlands.
Nagleppas ni Yulo iti maikadua a puesto iti floor exercise ti score a 14.500 ken maika-innem met iti vault ti score a 14.266.
Laksid na, saan met a nakastrek ni Carlos iti all-around finals kalpasan iti maika-34 a ranking, bayat a maika-84 puesto met ti ading na a ni Karl Eldrew Yulo.
Nakatuding iti floor exercise finals inton Sabado ken vault finals met iti Dominggo daitoy a lawas.
Tallo’n a world championship titles ti naiyawid ni Carlos Yulo — idi 2019 idiay Germany, 2021 idiay Japan, ken 2025 met idiay Indonesia. Nabiit pay idi nakagun-od manen isuna kadagiti dua a balitok a medalya iti Asian Games idiay Japan idi napalabas a Setyembre.
