Nag-emergency landing sadiay Denver International Airport idiay Colorado, USA ti maysa nga American airlines jet kalpasan a kellat a nauram daitoy.
Makita kadagiti agwarwaras online ti napuskol nga asok a nagtaud manipud iti nasao nga eroplano isu nga dagos a simmungbat dagiti emergency services.
Iti flight manipud sadiay Colorado Springs nga agturong ti Dallas-Fort Worthket naiyakar sadiay Denver gapo iti problema na ti makina.
Idi nakasangpet iti eropuerto ket kellat a nauram ti eroplano, ngem nupay kasta ket natalged met a nairuar amin a pasahero na.
Segun iti American Airlines, lubbon ti eroplano ti agingga 172 a pasahero ken innem a crew members a naiyakar iti terminal.
Kabayatanna, awan pay met ti sungbat ti U.S. Federal Aviation Administration (FAA) wenno American Airlines mainaig iti insidente kasta met nga awan pay ti sungbat manipud iti Denver International Airport para ti napasamak.
